Udazkenaren erdi aldean gauden honetan badator aurtengo gaztain jatea egiteko garaia ere. Normalean gure ingurunean ospakizun, jai eta elkarretaratze gehienak jan-edanaren inguruan izaten dira eta oraingoa ere halaxe izango da. Aurtengoa jada 7. gaztain jatea izango da.

Honako ohar hau banatu digu Ugarteko Elkarteko Batzordeak:

“Ohar honen bidez Ugartear guztioi jakinarazten dizuegu aurreko urteetako ohiturari jarraituz, aurten ere gaztaina-jatea antolatu dugula.
EGUNA: AZAROAK 21 LARUNBATA
ORDUA: ILUNTZEKO 8:30-etan
LEKUA: UGARTEKO ELKARTEA
Beraz gaztaina-jatera joateko asmoa duzuenok, aurrez izena eman Goikoetxea-enean edo Elkartean jarritako paperean. Izena emateko azken eguna azaroak 16 astelehena izango da.
Badakizue, ANIMATU!!!!!!

Ba Elkartekoek esan bezala nahi duenak, ugartekoak nahiz inguruetakoak, izena eman dezala, oraindik garaiz gaude eta!

Hau idazten ari naizen une honetan berriz Ugarteko Elkartea bete jende ariko da afaltzen. Sardinak izango zirela iragarri arren Txitxarroak ikusi ditugu parrilan erretzeko prest, ez omen dago eta sardinik.

Kostilla ere jango zen. Afalondoan abesteko asmotan omen zen jendea, ez dakigu abesbatzakoak bezain ongi kantatu ote duten. Ea afarian egondako norbaitek idazten digun kontatzeko.

Azken urteotan Amezketako Kultur Asteko egun batez ekitaldiak Ugarten izaten dira: musika emanaldia elizan eta ondoren afaria.

Aurreko urteetan elizako emanaldian Alegiako Txintxarri abesbatza eta ARIMAZ taldea izan genituen. Aurtengoan Billabonako Eresargi abesbatza entzuteko parada izango da nahi duenarentzat. Iluntzeko 19:00-etan izango da.

Ondoren, 20:30etan sardina eta kostilla jatea izango da Ugarteko Elkartean. Joan nahi duenak aurrez erosi behar ditu txartelak herriko tabernetan.

Animatu nahi duzuenok!

Bide batez argazkiak erakusteko tresna berria erabiltzen ikasiko dut.

Eta laister Gaztain jatea izango da!

<URRIAK 2, OSTIRALA>

 8:30 etan kanpai jotze eta suziriak.
 9:00 etan HERRI AFARIA.
 Ondoren trikitixa ITZEL taldearekin.
 Atsedenaldian TOKA leihaketa.

<URRIAK 3, LARUNBATA>

 11:00 etan gaztetxoen pelota partiduak.
- Ruiz- Zubeldia / Galarza-Zubeldia
- Amundarain-Zabala / Artola-Zubeldia
- Iribarren-Beloki /Zabala-Otamendi
 Umeentzat:
- PUZGARRIAK eta OHE ELASTIKOAK. 12:30etatik 2:00etara eta 3:30etatik 7:00etara.
- Arratsaldean zehar Zaldiak ibiliko dira nahi duenak Ugarten zehar ibilalditxoak egiteko.
- Ondoren TXOKOLATEA bizkotxoekin.
 Arratasldeko 4:00 etan Ugarteko X. MUS TXAPELKETA.
 9:00 etan ZAHAGI-ARDOA.
 10:30 etan Ansorregi eta Larrañagarekin trikitixa
 Atsedenaldian “Ikuskizun bitxia”

<URRIAK 4, IGANDEA>

 11:30 etan Meza Nagusia.
 Jarraian TXAKOLIN PROBAKETA eta pìntxoak plazan.
 Bazkal aurretik LAJA eta LANDAKANDARENren trikiti saioa.
 6:00 etan HERRI KIROLAK:
- GOENATXO eta IZETA II harri-jasotzaileak
- OLASAGASTI-OTANO aizkolariak
 Ondoren INGURUTXUA.
 8:30tan SAGARDO PROBAKETA.
 Sagardo probaketaren bukaeran Akelok Guraso Elkarteak zozketatutako txerriaren zenbaki saritua aterako da.
 LAJA eta LANDAKANDAren trikitiarekin festei amaiera emango diegu.

Bazkaria primerakoa izan zela diote bertan izandakoek. Postre garaian, ustekabean bakarren baten urtebetetzea ere ospatu zen. Zorionak! Arratsaldean beheruntz jeitsi eta batzuk Ugarteko Elkartean afaldu zuten eguna borobiltzeko.

Lehenengo aldiz antolatu den bazkari hau hain ondo atera zela ikusita ziur errepikatuko dela. Hala espero dugu joaterik izan ez genuenok.

Argazki hauek atera zituen Gotzonek:

EGUNA: UZTAILAK 4, LARUNBATA
ORDUA: EGUERDIKO 2:00-etan
LEKUA: UGARTEKO FRONTOIA

PREZIOA:
Helduak 30€
Gaztetxoak 15 €
Umeak dohainik

Aurrez txartela erosi behar da Goikoetxea-enean. Azken eguna txartelak erosteko ekainak 28, igandea, izango da.
ANIMATU NAHI DUZUEN GUZTIOK!!!!

Girotzeko iazko argazkiei begiradatxo bat…

“Kaixo Ugartear guztioi:
Ugarteko Festa Batzordeko kideok Buruntzunzingo txabolan bazkaria antolatzea pentsatu dugu ugartear batzuk Buruntzunzingo aterpean bazkide garen aitzakiarekin.
Bazkaria ekainak 27, larunbata, eguerdiko ordubiak aldera izango da eta bazkaria prestatzeaz gu arduratuko gara. Joatea pentsatzen duzuenok egin beharreko bakarra aurrez izena ematea da, Elkartean jarriko dugun orrian. Izen emateko azken eguna ekainak 23 asteartea izango da.
Gure proposamena bazkari aurretik mendi ibilalditxo bat egitea da bertako parajeaz gozatzeko. Apuntatzen zaretenokin eguna baino lehen harremanetan jarriko gara nola joan erabaki eta edozein zalantza argitzeko.”

Ez dakizuenonzat esan Buruntzunzin Aralarren dagoen txabola bat dela, Arritzaga inguruan kokatua, Artubiren azpian. Orain Buruntzunzin Mendi Elkartearen aterpea den hau aspaldian hor inguruan martxan egon ziren minetako langileen barrakoiak izan ziren. Meategietako langileek bertan pasatzen omen zuten aste osoa, egunean 12 orduko lanaldiak eginez. Gaur egun erabat egokituta dago eta elkarteko bazkideek erabiltzen dute.

Hona hemen aukera paregabea ingurune eder hori ezagutu eta disfrutatzeko. Animatu nahi duzuenok!
Txabolan eta inguruetan ateratako argazki batzuk dituzue hauek: